Muling naging sentro ng usapan sa social media ang Comedy Queen na si AiAi Delas Alas matapos kumalat ang isang video kung saan makikitang may isang napakagwapong lalaki na lumuhod at nag-propose sa kanya.

Sa video na may titulong “Will You Marry Me” sa background, kitang-kita ang kilig at saya ni AiAi habang hinalikan pa siya ng lalaki sa noo. Dahil dito, agad na nag-react ang mga netizens—marami ang nagulat at ang iba naman ay nag-alala para sa komedyante.

“Hindi pa ba nadala?” – Reaksyon ng Publiko
Marami sa mga followers ni AiAi ang naglabas ng matitinding salita. Ayon sa ilan, tila hindi raw natuto ang aktres sa kanyang nakaraang relasyon kung saan nagpakasal din siya sa isang mas batang lalaki ngunit nauwi rin sa hiwalayan matapos umanong magloko nito.

Dahil sa dami ng tumatawag at nagtatanong sa kanyang mga kaibigan, kaklase sa Zumba, at maging ang mga “bashers,” agad na naglabas ng panibagong video si AiAi para linawin ang katotohanan.

Plot Twist: “It’s a Prank!”
Sa kanyang paliwanag, tawa nang tawa si AiAi habang sinasabing isa lamang itong PRANK. Ayon sa kanya, nag-dinner sila ng kanyang mga kaibigan nang may makitang mag-asawang nag-propose sa kabilang table. Dahil sa laki ng tarpulin at ganda ng moment, nainggit umano siya at naisipang gumawa ng katuwaan..

“Tinawag ko si kuya… Kuya, kuya halika dali, kunyari magpo-propose ka sa akin,” kwento ni AiAi habang ipinapaliwanag na hindi niya man lang alam ang pangalan ng lalaki (na nalaman na lang niyang ‘Alvin’ pala base sa comments).

Mensahe sa mga Bashers: “Tapusin ang Video!”
Hindi rin pinalampas ni AiAi ang pagkakataon na pagsabihan ang mga taong agad siyang hinusgahan. “Huwag niyo na akong kung ano-anong sinasabi niyo na wala akong kadala-dala… Hello, natuto na ako!” deklara ng Comedy Queen.

Paalala pa niya sa publiko, hangga’t nakikita siyang naggi-gym, nagha-HROX, at naglalakbay sa iba’t ibang bansa, ibig sabihin ay single siya at masaya. Pinayuhan din niya ang mga netizens na huwag agad mag-judge at tapusin muna ang panonood ng video bago magbigay ng komento