Umiinit na naman ang entablado ng pinaka-inaabangang beauty pageant sa bansa! Opisyal na nating masisilayan ang mga naggagandahang dilag na magtatagisan ng talino, ganda, at puso para sa titulong Miss Universe Philippines 2026.

Mula sa mga beterana sa pageant world hanggang sa mga bagong mukha na may bitbit na inspirasyon, narito ang ilan sa mga pambatong kandidata na dapat nating abangan:

Ang Pagbabalik ng mga Beterana
Hindi padadaig ang mga bihasa na sa entablado. Kabilang dito si Nicole Borromeo ng Cebu, na dating 3rd Runner-up sa Miss International 2023. Nandiyan din si Roxy Smith ng Baguio, isang Kapuso actress at dating Miss Philippines Earth 2020. Hindi rin magpapahuli si Adela Marshall ng Muntinlupa, na nakilala noon sa Asia’s Next Top Model.

Mga Kwento ng Inspirasyon at Adbokasiya
Ngayong taon, mas binigyang-diin ang iba’t ibang background ng mga kandidata:

First Mother Candidate: Kasaysayan ang hatid ni Scarlett de Mesang Los Baños, ang kauna-unahang ina na lalahok sa kompetisyon matapos manalo bilang Miss Globe 2025.

World Traveler: Si Abigail Colzar ng Las Piñas ay nakapunta na sa 170 bansa at nagsisilbing environmental advocate.

The Youngest: Sa edad na 18, si Isabel Pratz ng Laguna ang pinakabatang kalahok na may adbokasiya para sa empowerment.

Talino at Kagandahan mula sa Iba’t Ibang Probinsya
Punong-puno rin ng mga achievers ang listahan:

Clarissa Westam (Cotabato): Isang Magna Cum Laude graduate mula sa UP Diliman.

Caril Kabahog (Leyte): Isang academic achiever sa Science and Biotechnology.

Chariz Kakayurin (Ilocos Norte): Isang Fil-Am educator at mental health advocate mula sa Hawaii.

Mula sa “Living Barbie” ng Albay na si Alexandra Orio hanggang sa “Zende Queen” ng Negros Occidental na si Alexandria Colminares, siguradong mahihirapan ang mga hurado sa pagpili ng susunod na reyna.

Sino ang susunod na magdadala ng bandila ng Pilipinas sa universe? Manatiling nakatutok sa Miss Universe Philippines 2026!