Hindi na nakapagpigil ang “Multimedia Superstar” na si Anne Curtis at diretsahang sinagot ang pambabastos umano ng dating Quezon City Representative na si Bong Suntay. Sa isang makapangyarihang pahayag sa kanyang Instagram ngayong March 7, kasabay ng pagdiriwang ng Women’s Month, ibinuhos ng aktres ang kanyang saloobin tungkol sa naging “vulgar” at “sexualized analogy” ng mambabatas kung saan ginamit ang kanyang pangalan nang walang pahintulot.

“I Do Not Accept Your Non-Apology”
Matapang na hinarap ni Anne ang isyu at sinabing nasaktan at na-disturb siya sa narinig. Direkta niyang sinabi kay Suntay na hindi niya tinatanggap ang “non-apology” nito.

“Mr. Suntay… you’ve become the poster boy of something much bigger—a culture that pa rin thinks it’s acceptable to talk about women this way,” ani Anne. Binigyang-diin din niya na ang misogyny o pagkapoot sa kababaihan, kahit pa itago sa anyo ng biro, ay nananatiling pambabastos.

Respeto para sa Pamilya ni Suntay
Bagama’t matindi ang bwelta sa mambabatas, ipinakita ni Anne ang kanyang pagiging sopistikada at pag-unawa bilang isang asawa at ina. Sinabi niya na tinatanggap niya ang paumanhin ng asawa ni Suntay.

“As a wife and a mother myself, I know exactly what she must be feeling… that quiet grief of watching someone choose so poorly in public,” paliwanag ni Anne habang pinapaalalahanan ang publiko na huwag idamay ang pamilya at mga anak ng mambabatas sa kahihiyang ito.

Panawagan sa Ethics Committee at Legal Action
Hindi dito nagtatapos ang laban ni Anne. Nanawagan siya sa Ethics Committee na huwag hayaang lumipas lang ang insidenteng ito dahil nakasalalay dito ang integridad ng serbisyo publiko. Dagdag pa niya, kasalukuyan na siyang kumukuha ng “legal advice” at pinag-iisipan ang lahat ng kanyang “options” para makuha ang hustisya at respetong nararapat para sa lahat ng kababaihan.

Bakit Mahalaga ang Women’s Month?
Para kay Anne, ang nangyaring ito ang mismong dahilan kung bakit kailangan pa ring ipagdiwang at ipaglaban ang karapatan ng mga babae. “If anyone is wondering why Women’s Month still matters, this is exactly why,” pagtatapos ng aktres.