Sa gitna ng mga bali-balita at ingay sa social media, matapang na nagsalita ang “Asia’s Superstar” na si Kathryn Bernardo upang makiusap sa kanyang mga fans na respetuhin ang kanyang mga personal na desisyon, kahit pa hindi lahat ay sang-ayon dito.

“Allow Me to Grow”
Sa kanyang naging pahayag sa isang brand endorsement event, binigyang-diin ni Kathryn na ang tunay na suporta ay nakabatay sa tiwala at respeto. “If you really trust me, you have to allow me to grow, you have to allow me to make mistakes and learn from my mistakes,” mensahe ng aktres sa kanyang mga taga-suporta.

Lubos ang pasasalamat ni Kathryn sa mga fans at brands na hindi sinusubukang baguhin ang kanyang pagkatao at hinahayaan siyang maging malaya sa kanyang mga pinipiling landas.

Ang Isyu kay Mayor Mark Alcala
Bagama’t nananatiling pribado ang aktres sa kanyang buhay pag-ibig, hindi maiwasan ng mga netizens na iugnay ang kanyang pahayag sa kumakalat na balita tungkol sa kanila ni Lucena City Mayor Mark Don Victor Alcala. Ilang beses na ring namataan ang dalawa na magkasamang nagde-date sa mga kilalang lugar sa Manila, na lalong nagpa-igting sa mga spekulasyon ng kanilang pagkakakamabutihan.

Suporta sa Bagong Kabanata
Sa kabila ng mga negatibong komento mula sa ibang kampo, marami pa rin ang nagtatanggol kay Kathryn. Ayon sa mga ulat, nararapat lamang na hayaan ang aktres na maging masaya lalo na’t siya ay financially stable at isa sa mga top taxpayers sa bansa. Para sa kanyang mga tapat na tagahanga, ang mahalaga ay ang kaligayahan ng aktres sa piling ng kung sino ang kanyang mahal.

Sa ngayon, patuloy na pinoprotektahan ni Kathryn ang kanyang “inner peace” at pinahahalagahan ang mga taong nananatili sa kanyang tabi, sa hirap man o sa ginhawa.