Usap-unapan ngayon sa mundo ng showbiz ang sunod-sunod na rebelasyon ng aktres na si Ellen Adarna laban sa kanyang asawa na si Derek Ramsay. Sa kanyang pinakabagong IG stories, hindi nagpa-pigil si Ellen sa paglalabas ng mga detalye tungkol sa ugali umano ng aktor.

“Hinamon ng Suntukan”
Ayon kay Ellen, naging agresibo umano si Derek at hinamon pa ng suntukan ang isa sa kanyang mga kapatid na lalaki, na ayon sa aktres ay halos kalahati lang ng edad ng aktor. Hindi rin nakaligtas ang dating karelasyon ni Ellen na si John Lloyd Cruz (JLC). Sa isang “fun fact” na ibinahagi ni Ellen, kinumpirma niyang hinamon din ni Derek si JLC sa totoong buhay.

Gayunpaman, ayon kay Ellen, hindi natuloy ang bakbakan dahil hindi umano pinatulan ni John Lloyd ang hamon ni Derek. “Walang suntukan kasi puro siya ingay, dada, o salita. Parang chihuahua,” biro pa ng aktres sa kanyang post.

Isyu sa Allowance: “Hindi Ako Pokpok”
Bukod sa hamon ng suntukan, naging emosyonal din ang rebelasyon ni Ellen tungkol sa pinansyal na aspeto ng kanilang pagsasama. Ibinunyag niya na hindi siya binibigyan ng allowance ni Derek.

Aniya, may mga pagkakataon umanong sinabi ni Derek sa harap ng kanilang mga kaibigan na: “Bakit ko bibigyan ng allowance yung asawa ko, ano siya pokpok? Bayaran?”. Ang pahayag na ito ay lalong nagpainit sa diskusyon ng mga netizens tungkol sa estado ng kanilang relasyon.

John Lloyd Cruz bilang “Ideal Co-parent”
Sa kabila ng gulo kay Derek, pinuri naman ni Ellen ang kanyang ex na si John Lloyd Cruz pagdating sa pag-aalaga sa kanilang anak na si Elias. Ayon kay Ellen, kusang nag-aalok ng tulong si JLC at maayos ang kanilang co-parenting setup. Inihayag din niya na nagpadala na ng credit card si JLC para sa pangangailangan ng bata, na malayo umano sa nararanasan niya sa kasalukuyang asawa.

Sa ngayon, nananatiling tahimik ang kampo ni Derek Ramsay hinggil sa mga matitinding paratang na ito ni Ellen Adarna.