Hindi nagpaawat ang aktres na si Ellen Adarna sa paglalabas ng kanyang saloobin laban sa mga lumalabas na balita tungkol sa sustento ng asawang si Derek Ramsay para sa kanilang anak na si Liana. Sa isang matapang na pahayag, tila “sinupalpal” ni Ellen ang mga naging pahayag ng beteranang columnist na si Cristy Fermin.

Ang Isyu ng Sustento: “Hindi Kami Nakaka-trace”
Nagsimula ang tensyon nang magkaroon ng mga ulat na sapat at higit pa ang ibinibigay ni Derek para sa anak. Ngunit ayon kay Ellen, mula noong Oktubre ng nakaraang taon ay tila nagkaroon ng pagkukulang sa aspetong ito.

Bagama’t sinabi ni Derek na nagpadala siya ng gatas at diapers noong Oktubre o Nobyembre, diretsahang sinabi ni Ellen na hindi nila ito nakita o ma-trace. “I’m the type na nagho-hoard ng milk at diapers… hindi namin yun nakita,” ani Ellen. Dagdag pa niya, kailan lang, nito lamang Enero, siya nagtakda ng mahigpit na panuntunan: “No support, no Lily (Liana)” matapos siyang payuhan ng kanyang pamily.

Banat kay Cristy Fermin: “Doing the Dirty Work?”
Hindi rin pinalampas ni Ellen ang pakikialam umano ni Cristy Fermin sa kanilang usaping mag-asawa. Sa video, ipinahiwatig ni Ellen na tila ginagamit ni Derek si Cristy upang magmukhang mabango ang pangalan nito habang ginagawa ang “dirty work” o ang paninira sa kanya.

“I don’t appreciate it… he can just call her up and say ‘Hey stop it, that’s my wife.’ Ngunit hindi niya ginagawa,” dismayadong pahayag ng aktres. Tinawag pa ni Ellen na isang “pathetic bitchy move” ang hindi pagharap ni Derek sa isyu nang direkta.

Priorities at Pag-aabono
Ibinahagi rin ni Ellen na sa unang dalawang taon ng kanilang pagsasama, madalas siyang nag-aabono para sa groceries at personal na gamit dahil kontrolado ng ina ni Derek ang budget sa bahay. Kinwestyon din niya ang mga “flex” ni Derek sa mga mamahaling sasakyan habang tila nakakaligtaan ang mas mahahalagang prayoridad.

Kasalukuyang Sitwasyon
Sa kabila ng ingay, kinumpirma ni Ellen na dumating na ang credit card para sa bata dalawang linggo na ang nakalilipas matapos niyang magsalita. Gayunpaman, malinaw ang mensahe ng aktres: Hindi siya “Mother Teresa” at ang pagpapatawad ay para lamang sa mga taong karapat-dapat at handang magbago.