Hindi na nakapagpigil ang aktres na si Ellen Adarna at tuluyan nang binasag ang katahimikan laban sa mga lumalabas na balita na “good provider” ang kanyang ex-husband na si Derek Ramsay. Sa isang matapang na pahayag, nilinaw ni Ellen ang totoong sitwasyon sa likod ng sustento para sa kanilang anak na si Liana.

“Misleading at Unfair”
Mariing pinabulaanan ni Ellen ang mga pahayag ng veteran columnist na si Cristy Fermin na nagsasabing tuloy-tuloy ang suporta ni Derek at secured ang buhay ni Ellen dahil sa pagiging generous ng akto. Ayon kay Ellen, mula noong October 2025, hindi na nagbibigay ng sustento si Derek para sa kanilang anak.

“What kind of foolishness is this? Truth matters, facts matter,” giit ni Ellen sa kanyang post. Sinabihan din niya ang assistant ni Derek ng linyang: “No sustento, no Lily,” bilang babala na hindi nito makikita ang anak kung hindi magbibigay ng kaukulang suporta.

Ang Isyu sa Credit Card
Inamin ni Ellen na nagbigay si Derek ng credit card kamakailan, ngunit may credit limit lamang itong ₱50,000. Ayon sa aktres, ang halagang ito ay 55.80% lamang ng kabuuang gastos para sa mga basic needs ni Liana na malinaw niyang iprinisinta sa aktor.

Hiningan din ni Ellen si Derek ng mga resibo ng diaper at gatas bilang patunay kung talaga ngang nagbibigay ito ng sapat, lalo na’t nakikita ang aktor na bumibili ng bagong sasakyan at iba pang luho sa halip na unahin ang anak.

Sariling Kayod, Hindi Galing kay Derek
Pinabulaanan din ni Ellen ang balitang pamilya ni Derek ang nagbabayad sa kanyang mga yaya o nagbigay ng kanyang tinitirhang bahay. Ayon sa aktres, siya mismo ang nagbabayad para sa kanyang limang nannies at staff, at siya rin ang bumili ng sarili niyang bahay.

Pagkukumpara kay John Lloyd Cruz
Hindi naiwasang ikumpara ni Ellen ang sitwasyon niya kay Derek sa kanyang naging karanasan kay John Lloyd Cruz (JLC), ang ama ng kanyang panganay na si Elias. Pinuri ni Ellen si JLC bilang isang “honest and present father” na kusang nagbibigay ng sustento nang hindi na kailangang hilingin pa.

Sa huli, tinanong si Ellen kung kaya pa niyang patawarin si Derek, at ang tanging sagot niya: “Forgiveness is for the people who deserve it and who ask for it”.